رحلة بورصة الخضراء، مدينة التاريخ والمناظر الطبيعية الساحرة، تقع جنوب اسطنبول على بعد ساعتين ونصف فقط، تعتبر من اجمل المدن التركية ووجهة مفضلة للكثير من السيّاح العرب

عم تخططوا لرحلة الى بورصة ؟

يا اهلا وسهلاً، انا محمد بهاء دليل سياحي اتكلم العربية والتركية سأقوم باصطحابكم في رحلة اكثر من رائعة أضمن لكم من خلالها استكشاف اروع اماكن سياحية في بورصة

جهزتلكم رحلاتي الفريدة في بورصة كالتالي :

* رحلة التلفريك وجبل اولوداغ *

• طبعا رح نبدأ هالرحلة ب جبل اولوداغ الشهير اللي بيكتسي بلون الابيض بالشتاء والاخضر بالصيف ، رح نقضي وقت حلو كتير نستمتع بالمناظر الطبيعية ونجرب النشاطات الموجودة

• بنفس الوقت رح نجرب التلفريك اللي بوصلنا لقمة الجبل وخلال صعوده منلتقط احلى الصور التذكارية

• الشجرة المعمرة من اشهر معالم السياحة في بورصة رح نطلع نحتسي كأس شاي تركي تحتها وننتناول الفواكه الطازجة اللي بتصل من المزارع المجاورة للشجرة

• وبعدها رح نعطي للتاريخ حقو بزيارة المسجد الاخضر العثماني اللي يعتبر اقدم جامع في بورصة

• وطبعا لازم نجرّب الحلقوم التركي المشهورة بورصة بانتاجو، رح نزور المصنع نتعرف ع كيفية صناعتو عن قرب ونتذوقوا طازج

• بنهاية الرحلة صار وقت المرح قبل ما اوصلكم للفندق مشان ترتاحوا، رح نزور منتزه غابة اتاتورك اللي فيو مدينة ملاهي واطلالة بانورامية بتجنن

* رحلة شلال بورصة *

• رح تبدا رحلتنا بزيارة الشلال الصغير اللي بيتميز بأنو واحد من اهم معالم السياحة في بورصة ، فينا نجرب نغطس رجلينا بالماء البارد ونركب الحصان اللطيف ونعمل جولة حوالي الشلال

• بطريقنا للشلال رح يكون في لوحة من ابداع الخالق عز وجل واللي هيه مناحل العسل الريفية اللي منقدر نشوف فيا كيف النحل عبصنع العسل من رحيق الازهار وطبعا رح نتذوق هالعسل وناخد صور بالمكان.

• بعدها رح نتوجه للقرية العثمانية التاريخية المميزة ببيوتها القديمة واهلها الودودين رح نمشي بين حاراتها وناخد بعض الهدايا التذكارية

• ومن القرية لحديقة حيوانات بورصة اللي فيها مجموعة كبيرة من الحيوانات اكيد الاطفال رح يستمتعوا كتير بالمكان

 وطبعا مشان جولتنا ماتكون مملة رح نزور الوادي الاخضر اللي فيو نشاطات مارح تنسوها ابدا من شدة متعتها واللي يصنف بأنو اروع الاماكن السياحية في بورصة

* رحلة يلوا *

• رحلتنا الثالثة لمدينة مجاورة لبورصة واسمها يلوا بتتميز بساحلها الرملي الساحر ، رح نسبح ونتشمس وبعدها نمشي عالكورنيش نتعرف عالناس المحليين ونشوف البضائع المختلفة

• وبطريقنا ل يلوا رح نزور شلال رائع وساحر كتير ارتفاعو 15 متر وتحته قعدة لاتُمل ابدا

• ومابتكمل رحلتنا بدون زيارة قرية التيرمال التابعة للمدينة واللي بتتميز بحمامات المياه الكبريتية النافعة للجسم وبتعطي نشاط وحيوية

*رحلة مغارة اويلات*

• رح تبدأ رحلتنا بزيارة مزارع الفواكه الطازجة على طريق منطقة اويلات ، رح نتذوق الفواكه الطازجة من المزرعة ونتعرف ع اهل الريف

• ومن المزرعة فورا للمغارة العظيمة اللي تكونت بالجبل عبر آلاف السنين وتعتبر معلم هام بين مناطق سياحية في بورصة للسياح المحليين والدوليين، رح نعمل جولة هناك ونلتقط صور ونكمل مشوارنا

• وبعدها رح ننطلق ل حمامات اويلات اللي بيتميزوا بالمياه الكبريتية الطبيعية المفيدة لكل آلام المفاصل والامراض الجلدية

• وبنهاية رحلتنا ممكن نزور واحد من اكبر مولات بورصة الكينت ميدان ونعملة جولة تسوقية هناك

*رحلة الشلال الكبير *

• رح ننطلق من الفندق باتجاه شلال كمال باشا او كما يعرف باسم شلال بورصة الكبير وعالطريق رح نزور قرية ميسي نتناول فيها وجبة الفطور بجانب النهروالاستمتاع بالآجواء القرويه الساحره

• بعدها رح نزور حديقة الطيور اللي بتحتوي على جميع انواع طيور العالم ، منعمل جولة فيها ومنكمل ل محطتنا الثالثة

• محطتنا الثالثة الشلال الكبير رح نستمتع بمشاهدة المناظرالطبيعية المذهلة المحيطة فيه ونلتقط صور تذكارية ونرجع باتجاه المدينة

بالنسبة للسيارات اللي بوفرها :

1 – سيارة عائلية مكيّفة وحديثة تتسع لعائلة صغيرة 4-5 اشخاص :

2-سيارة مرسيدس فيتو VIP لعشاق الفخامة والاناقة تتسع ل 8 اشخاص :

3- سيارة سبرنتر مرسيدس تتسع ل 16 شخص :

أي سيارة بتختاروا بتكون تحت خدمتكم

خريطة الاماكن السياحية في بورصة

4 thoughts on “جولاتي اليومية في بورصة الخضراء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

WhatsApp chat