مدينة طرابزون عروس الشمال التركي والمميزة بطبيعتها الخلابة ومناظرها الرائعة

جهزتلكم ب طرابزون باقة من اروع الرحلات اللي مارح تنسوها ابدا يلا لاحكيلكم عنها :

أول رحلة ( رحلة المدينة ) :

رح تبدا رحلتنا بزيارة قصر اتاتورك التاريخي الشهير ، رح نلتقط صور ونتعرف على تاريخ المكان

بعدها رح نزور جامع آيا صوفيا الرائع

وبعدها رح نطلع ل مطل البوزتيبه لنستمتع بالاطلالة الرائعة والمنظر البانورامي

ومن هناك رح ننزل باتجاه بحيرة سيراغول لنمشي حولها ونتابع مشهد الغروب الرائع

وبامكاننا قبل البحيرة انو نزور السوق الشعبي ونألقي نظرة عالبضائع الموجودة

ثاني رحلة: ( جولة اوزنجول )

رح نبدا جولتنا بزيارة معرض السكاكين في سورمينا ، رح نألقي نظرة ع انواع السكاكين ونستمر

بعدها رح نمر ع مزارع الشاي ونزور الجسر الخشبي

ومن هنيك ل شلال اتاكوي لنستمتع بالطبيعة الخلابة المبهرة

وبعدها ل احلى بحيرة بالشمال التركي بحيرة اوزنجول لؤلؤة طرابزون

وبعد البحيرة رح نتوجه ل تراس اوزنجول ، نحتسي الشاي التركي مع المنظر البانورامي الرائع

ثالث رحلة : ( جولة ايدر )

رح تبدا رحلتنا بزيارة شلال اسكيت أوغلو والاستمتاع بالاجواء الرهيبة المحيطة فيه

وبعد الشلال رح ننطلق رح نزور قلعة ريزا الأثرية ونتعرف على قصتها التاريخية

ومن القلعة رح نتوجه للجسور العثمانية الشهيرة

وبعدها رح ننطلق لمغامرة الرافتينغ في وادي الرياح

ونهاية رح نزور البساط الاخضر ورح نقضي وقت حلو كتير بالمكان

رابع رحلة: ( جولة سوميلا )

انطلاق رحلتنا من وادي التن ديره ، رح نقعد ساعة ونستمر لمحطتنا الثانية

من الوادي رح نكمل ل شلال الجبل الاسود

ومن الشلال رح نكمل لزيارة دير سوميلا التاريخي

ومنكمل ل جبال زيكانا وقرية هامس كوي رح نعمل جولة مشي وننهي رحلتنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

WhatsApp chat